N STUDIA-ს ხელშეწყობით იტალიის საერთაშორისო ფესტივალზე წარდგა შემოქმედებითი კოლექტივები სამი ქვეყნიდან
N STUDIA განსაკუთრებულ მადლიერებას გამოხატავს ჩვენი გენერალური სპონსორისადმი Eastern Partnership (EaP - ევროკავშირის პროგრამა (აღმოსავლეთ პარტნიორობა), რომლის თანადგომისა და ფინანსური მხარდაჭერის გარეშე ჩვენი მონაწილეობა იტალიის ფესტივალში შეუძლებელი იქნებოდა.
საერთაშორისო ფესტივალი იტალიაში
2022 წ. 15-19 აგვისტოს, N STUDIA-ს ინიციატივითა და ხელშეწყობით, ბავშვთა ქორეოგრაფიული ანსამბლმა „ჰერეთი“ (ქ. ლაგოდეხი, ხელმძღვანელები კახა და სოფო კობახიძეები)მონაწილეობა მიიღო ფოლკლორულ და სახალხო ხელოვნების საერთაშორისო ფესტივალში „ცისარტყელა“, რომელიც იტალიის მშვენიერ ზღვისპირა ქალაქ რიმინში გაიმართა.
N studia-ს ეგიდით აღნიშნულ ფესტივალში ასევე მონაწილეობდნენ: , სომხური ქორეოგრაფიული ანსამბლი რუმინეთიდან "Vardavar", უკრაინელი ნორჩი ვოკალისტი, მხატვრული ტანმოვარჯიშე და მხატვარი.
N Studia-ს ეგიდით რიმინის საერთაშორისო ფესტივალში მონაწილე სამივე კოლექტივმა საპრიზო ადგილები მოიპოვა და ახალ საერთაშორისო ფესტივალში მოწვევა მოიგო.
გრან-პრი მიენიჭა ქართულ ქორეოგრაფიულ ანსამბლ “ჰერეთს” და გადაეცა გრანტი 2500 ევროს ოდენობით იტალიაში ფესტივალ-კრუიზში მონაწილეობისთვის.
პირველი საპრიზო ადგილები გაიყვეს N Studia-ს ეგიდით მონაწილე 2 ჯგუფმა: რუმინეთში მცხოვრებმა სომხურმა ქორეოგრაფიულმა კოლექტივმა "Vardavar" და უკრაინელ შემოქმედთა ჯგუფმა, რომლებმაც, შესაბამისად, მოიგეს ფესტივალები პარიზის დისნეილენდსა და პრაღაში, თანადაფინანსებით.
ფესტივალის მონაწილეებს გადაეცათ პრიზები და დიპლომები.
N STUDIA გულითადად ულოცავს ესოდენ დიდ წარმატებას რიმინის ფესტივალის ყველა მონაწილეს!
ფესტივალის მონაწილეები დაესწრნენ იტალიაში ტრადიციულ მოსავლის დღესასწაულს Ferragosto რიმინში. ჩვენი მონაწილეებისთვის მოეწყო საგანგებო ექსკურსია ქალაქის ისტორიულ ნაწილში Ariminus.
N STUDIA-ს ორგანიზებით ფესტივალის მონაწილეებმა იმოგზაურეს ვენეციასა და სან-მარინოში, სადაც საქართველოს წარმომადგენლებმა ფლეშ-მობები მოაწყვეს.
შემდგომ წარმატებებს ვუსურვებთ ჩვენს მასპინძლებს და ფესტივალების ყველა მონაწილეს!
